Aİ Lavrov və Putinə qarşı sanksiya tətbiq etdi
25.02.2022 23:28
Avropa İttifaqı Rusiyanın Ukraynaya müdaxiləsindən sonra Rusiya prezidenti Vladimir Putin və xarici işlər naziri Sergey Lavrovu sanksiyalar siyahısına salmaqla bağlı razılığa gəlib. Bunu Aİ-nin xarici işlər və təhlükəsizlik siyasəti üzrə ali nümayəndəsi Josep Borrell cümə günü bildieib.
"Qeyd edim ki, Aİ-nin sanksiyalarının tətbiq olunduğu yeganə dünya liderləri Suriyadan Bəşər Əsəd, Belarusdan Lukaşenko, indi isə Rusiyadan Putindir”, - Borrell Aİ xarici işlər nazirlərinin görüşündən sonra keçirilən mətbuat konfransında deyib.
"Putin rus xalqı deyil”, o əlavə edib.
Borrelin sözlərinə görə, Rusiya Federasiyasına qarşı sanksiyaların bütün variantları nəzərdən keçirilir; Rusiyanın SWIFT banklararası ödənişlərin qlobal sistemindən ayrılması yaxın günlərdə təsdiqlənə bilər. Bu qərar Moskvanın davranışından asılıdır.
Borrel deyib ki, Aİ liderləri Putin rejiminin dəstəklənməsində mühüm iqtisadi rol oynayanlara qarşı da sanksiyalar tətbiq etmək niyyətindədirlər. Onun sözlərinə görə, qara siyahıya düşənlər arasında məmur olmayan, lakin Ukraynaya hücumdan iqtisadi fayda əldə edən 26 nəfər var.
S"anksiyalar Rusiya Federasiyasında inflyasiyanın artmasına gətirib çıxaracaq, xarici investisiyaları azaldacaq, sənaye bazasını tükədəcək . Rusiya beynəlxalq ictimaiyyətdən təcrid olunduğunu görməlidir", Borrell əlavə edib.
O deyib ki, zərurət yaranarsa, Aİ sanksiyalarının üçüncü mərhələsi tətbiq oluna bilər.
Aytac Zeynalova
.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
