Lavrov rəsmi Kiyevi, Ukrayna diplomatları isə Kremli qınayır

  

"Ukraynanın demilitarizasiyası və denasionalizasiyası, bu ölkənin mülki əhalisinin təhlükəsizliyinin təmin edilməsi, Rusiya Federasiyasının qanuni maraqlarının müdafiəsi istiqamətində həyata keçirilən kompleks tədbirlərin əsas məqsəd və vəzifələri vurğulanıb.

Ukraynadakı probleminin sülh və sabitlik naminə ən qısa zamanda davamlı həlli üçün Rusiya tərəfinin bütün konstruktiv qüvvələrlə sıx əməkdaşlığa hazır olduğu vurğulanıb”, - Rusiya XİN-in açıqlamasında deyilir.

 

Ukrayna prezidentinin aparat rəhbərinin müşaviri Mixail Podolyak isə BBC-nin Ukrayna xidmətinə bildirib ki,  Kiyev Rusiya ilə qəbuledilməz şərtlər və ultimatumlar olmadan  tamhüquqlu tərəf kimi danışıqlar apara bilər.

 

Daha əvvəl Kreml bildirib ki,  Kiyev danışıqlardan imtina edib. 

 

"İstənilən müharibə qaçılmaz olaraq danışıqlarla başa çatır. Onların guya danışıqlardan imtina etdiyimizi söyləmələri onların taktikasının bir hissəsidir.Danışıqları hələ başlamamış dalana aparmağa çalışırlar. ", - Podolyak bildirib.