80 min azərbaycanlı Xarkovda qalıb? - AÇIQLAMA

80 min azərbaycanlı Xarkovda ölümlə üz-üzə qalıb, bu barədə Haqqın.az-ın baş redaktoru, hazırda Ukrayna olan Eynulla Fətullayev özünün feysbuk hesabında paylaşım edib. 

 

'80 min azərbaycanlı barədə təcili tədbir görüb, əhalini çıxarmaq lazımdır. Türkiyə öz vətəndaşlarını çıxarır. Heç olmasa, bizimkilər də evakuasiya etsinlər', deyə o bildirib. 

 Diasporla İş üzrə Dövlət Komitəsinin mətbuat katibi Vəsilə Vahidqızı bildirib ki, jurnalistin azərbaycanlı vətəndaşlarının sayı ilə bağlı məlumatın hardan əldə etdiyi barəsində bilgili deyil, amma diaspor Ukraynada yaranan vəziyyətlə bağlı həm azərbaycanlı vətəndaşları özləri axtarır,həm də müraciət edən vətəndaşların təxliyyəsində yardımçı olur.

 

Azərbaycan Xarici İşlər Nazirliyindən isə bildirildi ki, nazirlik yaranmış vəziyyətlə bağlı vətəndaşlara lazım olan tövsüyyələri edir. Azərbaycanın Ukraynadakı səfəriliyi də yerində tam şəkildə fəaliyyət göstərir. Sadəcə yaranmış gərginlə bağlı səfirliyə daxil olan çoxsaylı müraciətlərə görə əlaqə saxlamaqda müyyən problemlər ola bilər. 

 

Azərbaycanın Xarkovdakı konsulluğunun bu gün - 1 mart 13:00- olan məlumatına görə, 500 nəfər azərbaycanlı Xarkovdan Lvov şəhərinə yola salınıb. Onlara Lvovda Ukrayna-Polşa sərhəddini keçmələrinə köməklik göstəriləcək.

 

Xüsusi hallar ilə bağlı vətəndaşlarımız Azərbaycanın Kiyev şəhərindəki səfirliyi ilə (+380 73) 5050000 telefon xətti və [email protected] elektron poçt ünvanı, Xarkov şəhərindəki fəxri konsulluğu ilə (+38057) 7000531 telefon xətti və [email protected] elektron poçt ünvanı ilə məlumat əldə edə bilərlər.