Ukraynada təslim olan rus əsgəri belə qarşılandı - VİDEO

Görüntülərdən məlum olur ki, yerli sakinlər təslim olan əsgərə çay və yemək verirlər. Bununla paralel əsgərin ailəsi ilə danışmaq üçün telefon verməklə yardımçı olurlar. Görüntülər sosial şəbəkələrdə maraqla qarşılanıb.

 

Rusiyanın Ukraynana hücum etməsindən 7 gün keçir. Ukraynanın müdafiə naziri Oleksey Reznikov bildirib ki, bu müddət ərzində yüzlərlə rus əsgər və zabiti əsir düşüb. Əsr düşən hərbçilərin çox gənc olduğu bildirilir.

 

Bir neçə gün öncə Ukraynanın prezidenti Zelenski rus əsgərlərə müraciət edərək bildirib ki, onlara təslim olmalarının müqabilində 5 milyon rubl (təxminən 811 min manat) kompensasiya ödəniləcək. 

 

"Qatil olub ölmək istəməyənlər özlərini xilas edə bilər. Ukrayna və ukraynalılar haqqında illərlə sizə yalan danışanların cinayətkar əmrlərinə əməl etməyin. Əlinizdəki silahı könüllü yerə qoyduğunuz təqdirdə sizə tam amnistiya və maddi kompensasiya zəmanət veririk. Ukrayna sivil ölkədir. Bütün məhbuslar təhlükəsizdir, onlara kömək olunur. Yeni bir həyata başlamaq şansınız var. Seçim edin", deyə prezident qeyd edib.