Avropa rus oliqarxlarının yaxtalarını müsadirə edir

Fransa Gömrük Xidməti Rusiya hakimiyyətində təmsil olunan şəxslərə və oliqarxlara məxsus 4 yük  gəmisini , o cümlədən bir ədəd dəbdəbəli yaxtanı müsadirə edib. Bu kimi addımlarla müxtəlif ölkələrin hakimiyyətləri Ukraynaya görə Moskvaya təzyiq etmək istəyirlər. 


Fransa gömrüyünün əməkdaşları ABŞ və Avropa İttifaqı tərəfindən aktivlərinə sanksiya qoyulmuş "Rosneft" şirkətinin rəhbəri İqor Seçinin yaxtasını o Fransanın Rivyer dəniz limanını tərk etməyə macal tapmamış müsadirə edib.

Bu hələ Qərbin Rusiyanın "xüsusi əməliyyat" adlandırdığı Ukraynaya hərbi hücumuna cavab olaraq atdığı sərt sanksiyalardan irəli gələrək atılan addımlardan biridir. 
    
Rusiya miliarderlərinin malik olduğu ən azı  beş iri yaxta Hindistan okeanında Maldiv adaları sahilində yerləşir. Bu yaxtalar sanksiyalar qoyulandan sonra ora köçürülüb. Çünki ABŞ-ın Maldivlə ekstradasiya barədə razılaşması yoxdur. 
    
Seçinin 88 metrlik "Amore Vero" yaxtası isə Fransa limanına təmir üçün gətirilmişdi və aprelin 1-ə kimi  La Syota limanında durmalı idi. 

Rosneft hələlik bu olayla bağlı şərh verməyib. 
   
Bundan qabaq Almaniyada Rusiyalı milliarder Alişer Usmanova məxsus 156 metrlik "Dilbar" yaxtasının müsadirə edilməsi barədə xəbər verilmişdi. Bu barədə məlumat Forbes-ə məxsusdur. 

Daha sonra Hamburq hökuməti  600 milyon dollar dəyərində olan bu yaxtanın müsadirəsi xəbərini təkzi etdi.    
  
Hazırda bu yaxta Blohm + Voss tərsanəsində ağ çexola bükülmüş vəziyyətdə durur. 

Alişer Usmanovun nümayəndəsi isə məsəlyə şərh bildirmək istəməyib. 
   
Rusal  şirkətinin  əsasını qoyan Oleq Deripaskaya ə Evraz-ın səhmdarı Aleksandr Abramova malik "Clio" və "Titan" yaxtaları da sanksiyadan qurtara bilib. Onların sahibləri təcili öz aktivlərini fevralın 28-də Maldiv adalarına qaçırda biliblər. Bu barədə MarineTraffic xəbər verir. 

Arxipelaqın yaxınlığında daha 3 Rusiya biznesmeninin  3 yaxtası görülüb. Onların arasında Nornikelin  ən böyük səhmdarı Vladimir Potaninin 88 metrlik "Nirvana" yaxtası da var .

Maldiv hökumətinin mətbuat katbi məsələyə hələlik münasibət bildirməyib.   


N.Təbrizli 
 



www.anews.az