Təbrizdə təqaüdçülər etiraz edir

Aksiyada Sosial Təminat Təşkilatının təqaüdçüləri, eləcə də digər idarələrin təqaüdçüləri və pensiyaçıları  iştirak edib. 

İştirakçılar təqaüd azlığına etiraz edib, həmçinin gecikmiş pensiyaların ödənilməsini tələb edib

Piket keçirən vətəndaşların məişət şəraitinin ağırlaşdığını deyib və rəsmilərin verdikləri vədləri yerinə yetirmədiklərinə etiraz olaraq şüarlar səsləndirib. 

2 min 700 təqaüdçüsü olan Şərqi Azərbaycan vilayətinin Telekommunikasiya idarəsinin aksiya keçirən təqaüdçüləri, tələblərinin yerinə yetirilmədiyi təqdirdə Təbriz qubernatorluğu və valilik binaları qarşısında yenidən toplaşacaqlarını bildiriblər.

İranın rəsmi mənbələri ötən fevral ayında illik ümumi inflyasiyanın 41,4% olduğunu açıqlayıb. Lakin ərzaq məhsullarının inflyasiyasının ümumi inflyasiyadan daha yüksək olduğu bildirilir. İran parlamenti ölkədə ağır məişət şəraitinə qarşı bir addım olaraq, əsas malların və xüsusilə ərzaqın daha ucuz qiymətlə xalqa satılması üçün elektron kuponların verilməsi haqda qərar qəbul edib.