Bu Gecə Ukraynada nə baş verib? - İCMAL
16.03.2022 09:08
Rusiyanın Ukraynaya hərbi təcavüzü davam edir. Ukraynanın artıq bir neçə gündür mühasirəyə alınmış Mariupol şəhəri yenə raket atəşinə tutulub. Kiyev, Xakov və Odessa yaxınlığında partlayışlar qeydə alınıb.
Ukrayna sayt və teleqram kanalları bunu xəbər verir:
- Rusiya hərbi gəmisi Mariupolu raket atəşinə tutub.
- Xarkovda gecə partlayış olub.
- Səhərə yaxın Kiyevdə də partlayış səsləri eşidilib.
- Odessanın qərbində bir neçə kilometrlikdə yerləşən Mirnoye kəndində güclü partlayış qeydə alınıb.
Ukrayna aviasiyası aktivdir
Ukrayna ordusunun Baş Qərargahı isə bildirir ki, son bir gün ərzində tərəflərin mövqelərində xüsusi dəyişiklik baş verməyib.
Ukrayna tərəf düşmənin 3 təyyarə, bir vertolyot, iki dron və 2 qanadlı raket vurub.
Baş Qərargah bildirir ki, Ukrayna aviasiyası fəaliyyətdədir və son bir gün ərzində Rusiya ordusunun maşın karvanına və yerləşdikəri məkanlara 10 dəfə hücum edib.
Pentaqon Rusiyanın ordusunun Ukraynada irəliləyə bilmədiyini deyir
Pentaqon bildirir ki, Rusiyanın Ukraynaya təcavüzündən 20 gün keçsə də Rusiya ordusu əvvəlki kimi Ukraynanın ərazisində irəliləyə bilməyib.
Ölkənin bir neçə iri şəhərləri güclü artilleriya atəşinə tutulur.
Kiyev istiqamətində irəliləyən hərbi maşın karvanı Kiyevin 20 kilometrliyindədir.
Rusiya ordusu Xarkov və Nikolayev istiqamətində güclü müqavimətlə rastlaşır. Bununla belə Rusiya ordusu şimalda Çerniqov və cənubi şərqdə Mariupolu mühasirəyə ala bilib. Bununla belə ABŞ kəşfiyyatında olan məlumata görə, Ukrayna hakimiyyətinin bu şəhərin rəhbərliyi ilə əlaqəsi qalmaqdadır.
Pentaqon bildirir ki, hər iki tərəf ordusunun 90%-i işə salıb. 24 saat ərzində ABŞ maliyəsi hesabına alınmış silahların kraynaya çatdırılması gözlənilir.
Bu günlərdə ABŞ prezidenti ABŞ-ın 1,5 trilyon dollarlıq yarım illik büdcəsinin qəbul edildiyini, bunun da 13,6 milyard dollarının Ukrayna üçün ayrıldığını bildirib.
N.Təbrizli
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
