Mariupolda bombalanmasın deyə "uşaq" sözü yazılsa da....- VİDEO

 

Teatrın peyk tərəfindən görüntüləri yayılıb. "Maxar” şirkəti tərəfindən yayılan görüntüləri Rusiyanın hücumu ilə bağlı  həqiqəti üzə çıxarıb. Sığınacaq kimi istifadə olunan binanın bağçasında havadan görünən rus dilində 'UŞAQ' yazılıb. Ukraynalı mülki şəxslər Rusiya qüvvələrinə binada uşaqların olduğunu və bu mülki hədəfin vurulmaması lazım olduğunu bildirmək istəyiblər.Lakin bu səy kifayət etməyib.

 

 

Mariuopol rəsmiləri bildirir ki, həmin teatrda 1000-1200 aralığında mülki şəxs sığınıb. 

 

Hücumda həyatını itirən çox sayda insanın cəsədlərini yan-yana əks etdirən fotoşəkillər beynəlxalq xəbər agentlikləri tərəfindən təsdiq edilərək paylaşılıb. 

450 min əhalisi olan Mariupol rus işğalında ən çox hədəf alınan şəhər oldu. Bölgədən Qırmızı Xaç rəsmilərinin verdiyi məlumata görə, şəhərdə vəziyyət çox pisdir”. Mariupol Ukraynanın cənubunda, Rusiyanın dəstəklədiyi separatçılarla Krımın ortasında yerləşir. Şəhərə tam nəzarət ruslara Azov dənizinə qədər bölgədə böyük üstünlük verəcək və konvoyların keçməsi üçün uzun yol dəhlizi açacaq. Şəhər rəsmiləri işğal başlayandan bəri şəhərdə ən azı 2500 nəfərin öldüyünü, lakin ölülərin sayının və cəsədlərin toplanmasının çətinliyi səbəbindən bu rəqəmin 20 minə qədər arta biləcəyini bildirir.(sondakika)

 

Səkinəxanım Məmmədova

Aytac Zeynalova