Çin Rusiyaya kömək etsə, ABŞ cavab tədbiri görəcək - Blinken

Vaşinqton Çinin Rusiyaya hərbi texnika göndərməsi barədə daxil olan məlumatlardan narahatdır. Bu barədə ABŞ dövlət katibi Entoni Blinken bu gün keçirdiyi mətbuat konfransında  bildirib.


ABŞ kəşfiyyatına mənsub olan bu məlumat bu həftənin əvvəlində ortaya çıxdı. 


Pekin və Moskva bu cür danışıqların mövcudluğunu inkar edir. 


Blinken bildirib ki, cümə günü Çin prezidenti Xi Jinping ilə gözlənilən telefon danışığında prezident Co Bayden Çin Rusiyaya kömək etmək qərarına gələrsə, ona qarşı cavab tədbirləri görüləcək.  


Blinkenin dediyinə görə,  prezident Bayden Rusiyanın Ukraynada müharibə cinayətləri törətməsi fikri ilə "şəxsən razıdır”.


Bayden deyib ki,  mülki şəxsləri hədəfə almaq müharibə cinayətidir. 


Blinkenin sözlərinə görə,  Dövlət Departamenti hazırda bu cür cinayətlərin sübutlarını sənədləşdirir.


Dövlət katibi həmçinin qeyd edib ki, o, Rusiya tərəfindən sülh danışıqları yolunda "xüsusi səy göstərildiyini” görmür və Vladimir Putinin dünənki çıxışının onun "diplomatiyadan əks istiqamətə” yıxıldığını göstərir.

N.Təbrizli

www.anews.az