Ukraynanın bərpası Rusiya hesabına aparılacaq - Denis Şmıxal

Rusiya Silahlı qüvvələri tərəfindən Ukraynada dağıdılan hər şey həbs edilmiş Rusiya əmlakı hesabına maliyyələşdiriləcək. Ukrayna KİV yazdığına görə, bunu Ukraynanın baş naziri Denis Şmıxal deyib.  

"Ukraynanın Rusiyanın işğalından birbaşa itkiləri artıq 500 milyard dolları keçib. Ukrayna ümid edir ki, bu itkilər Rusiyadan təzminat və müttəfiqlərin maliyyə yardımı hesabına kompensasiya olunacaq", - Şmıqal bildirib. 

Ukrayna Rusiya üzərində qələbə çalacağı təqdirdə (hərçənd bu barədə indi danışmaq çox çətindir, - red)  Rusiyadan müəyyən təzminat almaq mümkün olacaqmı sualına indi cavabı yoxdur. Amma  Denis Şmıxal bildirib ki, ən azı Ukrayna Rusiyanın xaricdəki əmlakına həbs qoyulmasını tələb edəcək.
Şmıxal həmçinin Ukraynanın Rusiyaya qarşı başqa hansı sanksiyaların qoyulmasını istədiyini də açıqlayıb. 

Bunlara Rusiyanın terrorizmin sponsoru kimi tanınması, Rusiya gəmiləri və yükləri üçün limanların bağlanması, Rusiyanın bütün enerji və xammalına embarqo qoyulması, Rusiya banklarının SWIFT-dən ayrılması (indiyə qədər yalnız bir neçəsi SWIFT-dən ayrılıb) və Rusiya vətəndaşlarına viza verilməsinin dayandırılmasıdaxildir.


N.Təbrizli

www.anews.az