İranda yaşamaq üçün öz bədənini satır.

İranda yaşamaq üçün öz bədənini satır.

"Etdiyim işdən utanıram, amma başqa seçimim varmı?" Tehranda boşanmış qadın Neda deyir.

O gündüzlər saç ustası işləyir, gecələr isə seks işçisi (fahişə, - red) kimi ikinci bir işdə çalışır və yalnız dolanmaq üçün bədənini seks üçün satmağa məcbur olur.

"Mən qadınlara hörmət olunmayan, iqtisadiyyatın çökdüyü və demək olar ki, hər gün hər şeyin qiymətinin qalxdığı bir ölkədə yaşayıram” deyə davam edir.Mən tək anayam.Mən oğlumu düşünməliyəm.Fahişəlik yaxşı gəlir gətirir və indi mən şəhərin mərkəzində kiçik bir ev almağı planlaşdırıram.Bu mənim həyatımın acı reallığıdır.Mən sözün əsl mənasında ruhumu satıram”.

2012-ci ildə İran fahişəliklə mübarizə üçün milli proqram elan etdi.Buna baxmayaraq, qeyri-hökumət təşkilatlarının (QHT) və tədqiqatçıların qeyri-rəsmi hesabatlarına görə, seks sahəsində çalışanların sayı artıb.

İranın mühafizəkar dini qurumu uzun müddətdir ki, ölkədə seks işçilərinin mövcudluğunu rəsmən inkar edir.Bunun əvəzinə rəsmilər orada fahişəliyi gəncləri korlamaq üçün nəzərdə tutulmuş Qərb planı kimi göstərir və ya qadınları vicdansız kişilərə qarşı pis davranmaqda günahlandırırlar.Qeyri-rəsmi məlumatlar da İranda seks işçilərinin cavanlar olduğunu göstərir.

Müxtəlif QHT-lərin statistikası göstərir ki, 2016-cı ildə 12 yaşında olan qızlar fahişəliyə cəlb olunub.

İranda narkoman qadınların müalicəsi ilə məşğul olan Aftab Cəmiyyəti Qeyri Hökümət Təşkilatı 2019-cu ildə paytaxtda təxminən 10,000 qadın seks işçisi ola biləcəyini və onların 35%-nin evli olduğunu bildirib.

Tehran Universitetinin sosial rifah professoru Əmir Mahmud Harriçinin sözlərinə görə, Tehranda qadın seks işçilərinin sayı iki dəfə çox ola bilər.

İranda qadınlar üçün iş imkanlarının müqayisəli olmaması və gender bərabərliyinin olmaması nəzərə alınaraq, yoxsulluq həddindən də aşağı səviyyədə yaşayan bir çox qadın seksi pula dəyişmək məcburiyyətində qalıb.Baxmayaraq ki bu işin riskləri var.

"Kişilər İranda fahişəliyin qeyri-qanuni olduğunu və qadınlara ağır cəza verildiyini bilirlər, ona görə də bundan öz mənfəətləri üçün istifadə edirlər", - Tehrandakı universitetin tələbəsi Mahnaz adlı part-time seks işçisi deyir.

"Müxtəlif vaxtlarda başıma gəlib ki, kiminləsə cinsi əlaqədə olmuşam, amma o, mənə pul verməyib və mən məsələ barədə səlahiyyətli orqanlara gedə bilməmişəm”.

1979-cu ildə İranda İslam İnqilabından sonra yeni rejim tərəfindən bir sıra seks işçiləri edam edilib və fahişəxanalar bağlanıb. Qadınların cinsi əlaqə üçün istifadəsini qanuniləşdirməyə görə müvəqqəti həyat yoldaşına veriləcək təzminatın müddətini və miqdarını müəyyən edən bir müqavilə şərti ilə zavc-i mutaa və ya "həzz evliliyi” adlanan adət daha çox yayılıb.

İranın şiə İslam sisteminə görə mutaa nikahına icazə verilir və fahişəlik kimi qəbul olunmur. Bu adət dünyanın hər yerindən şiə zəvvarların ziyarət etdiyi müqəddəs Məşhəd və Qum şəhərlərinə qədər geniş yayılıb.

Sosial mediada yayılan videolarda iraqlı kişilərin Məşhəddə cinsi əlaqəyə girdikləri, rəsmilərin isə onların sadəcə müvəqqəti nikah bağladıqlarını iddia etdiyi göstərilir.

İndi İranda Telegram və WhatsApp da daxil olmaqla mutaa evliliyi təklif edən saysız-hesabsız onlayn xidmətlər var və bu qruplar hökumətin icazəsi olduğunu iddia edirlər.

Fahişəliyin artmasının əsasını təşkil edən artan yaşayış bahalığının arxasında duran hərəkətverici qüvvələrdən biri də İranın nüvə proqramına görə ABŞ-ın tətbiq etdiyi iqtisadi sanksiyalardır. Ötən ildən bəri İranda inflyasiya 48,6% artıb. İşsizlik də artıb və işi olanların çoxu yaxşı maaş almır.

Bu fonda pul müqabilində qadınlarla cinsi əlaqədə olan 20-35 yaş arası kişilərin sayında da artım müşahidə olunur.Kişi seks işçisi fenomeni İranın böyük şəhərləri arasında yayılır.

 

Belə şəxslərdən biri də supermarketin kassiri işləyən 28 yaşlı Kamyar ötən ilə qədər valideynləri ilə yaşayırdı və atasının köməyi olmadan xərclərini ödəyə bilmirdi.

İndi o, Tehranın mərkəzində kirayə mənzil tuta bilir və bir gün xaricə köçməyə ümid edir.

"Müştərilərimi sosial media hesabları vasitəsilə tapıram” deyir. "Bu qadınlar adətən 30-40 yaşlarında olurlar.

Bir dəfə 54 yaşında bir müştərim var idi. Mənə yaxşı münasibət göstərirlər, yaxşı pul verirlər. Və ağızdan-ağıza çoxlu müştəri qazanıram”.

Kamyar təlim keçmiş mühəndisdir, lakin həmişə sevdiyi sahədə özünə gələcək görmür.

"Mən həmişə mühəndis olmaq istəmişəm. Amma orada mənim üçün iş yoxdur" deyir.

"Mən bir qızı sevirdim, amma düzgün işim olmadığı üçün evlənə bilmədik. İndi etdiyim işlə fəxr etmirəm.Böyüyəndə pul müqabilində tanımadığım insanlar  ilə yatmaq mənim arzum deyildi. Təbii ki, mən utanıram, amma bu xərcləri  ödəyir".

Bu məqalədə göstərilən seks işi ilə məşğul olanların adları şəxsiyyətlərini qorumaq üçün dəyişdirilib.