G7 üzvü olan ölkələr Putinə "yox" dedi

G7 üzvü olan ölkələr martın 28-də  Rusiya prezidenti Vladimir Putinin qazın rublla ödənilməsi tələbini rədd edib.


"Bütün G7 üzvü olan ölkələrin nazirləri bu tələbi birtərəfli verilmiş qərar hesab edir və açıq şəkildə müqavilənin pozulması kimi dəyərləndirirlər",  - G7-yə sədrlik edən Almaniyanın iqtisadiyyat naziri Robert Habeck deyib. 


Xabekin fikrincə, Rusiyanın belə tələb qoyması "quyruğunun qapı arasında qalmasına" dəlalət edir. 


"Rublda ödəniş qəbuledilməzdir və... biz şirkətləri Putinin tələbini yerinə yetirməməyə çağırırıq”, - o əlavə edib.


Bazar ertəsi Kremlin sözçüsü Dmitri Peskov Avropanın təbii qazın  pulunu rublla ödəməkdən imtina edəcəyi təqdirdə Moskva nə edəcək sualına cavabında bildirib ki, "problemləri onlar yarandıqca həll edəcəyik.  Bir şey birmənalıdır ki, qazı pulsuz verməyəcəyik".


Rusiya prezidenti Vladimir Putin keçən həftə bundan sonra rəsmi Moskvanın "dost olmayan ölkələrə” ixrac edilən  qaz üçün ödənişləri rublla alacağını  söyləyib. Martda Rusiyanın Ukraynaya təcavüzündən sonra tətbiq edilən sanksiyalara cavab olaraq belə ölkələrin siyahısı genişləndirilib. Siyahıya  50-ə yaxın ölkənin adı daxil edilib.  


 N.Təbrizli

www.anews.az