Kiyev ətrafında təhlükə sovuşub - Arestoviç

 

"Rusiyanın Kiyevə  hücumu müşahidə olunmur. Əslində bu, çox gülməli olardı. Amma biz də onları mühasirəyə almamışıq. Orada ağır ağır döyüşlər gedir",  -  Arestoviç deyib. 

O həmçinin bildirib ki, Kiyev ətrafı çox mürəkkəb relyefə malikdir. "Şəhər  çay,  dərələr, yarğanlar, meşələrlə əhatə olunub. Hər şey qismən su altında qalıb, qismən minalanıb, bir sözlə keçilməz yerdir.Gərgin döyüşlər gedir. Rusiya artilleriyası atır, bizimkilər atır - biz də, onlar da itkilər veririk, burada qələbədən danışmaq hələ çox tezdir. Orada heç kim bir birini  mühasirəyə almayıb, nə də məhv etməyib - yarımmühasirə şəraitidir. Hələ hərbi uğura nail olunmayıb",  - Arestoviç vurğulayıb. 

onun sözlərinə görə, Rusiya  Kiyev istiqamətində qələbə çalmaq perspektivindən əllərini üzüblər.  Ona görə də o itiqamətə şəxsi heyət göndərmirlər. 

Arestoviçin fikrincə,  ümumi səfərbərlik keçirməkdən  qorxan insanlar Rusiyanı nüvə müharibəsi təhlükəsi astanasına qoya bilməzlər.  

"Buna cürətləri çatmaz. Kimyəvi silahlara gəlincə, başa düşmək lazımdır ki, hərbi baxımdan onlar heç bir əhəmiyyət kəsb etmir. Bu silahlar yalnız Birinci Dünya Müharibəsində effektli ola bilərdi, o da onlardan  gözlənilmədən istifadə ediləcəyi təqdirdə. Çünki o zaman heç kim bu silahlarla necə mübarizə aparmağın mümkün olduğunu bilmirdi. Əleyhəzaqlar istifadə olunmağa başlayandan sonra onlar daha tətbiq olunmadı.  İkinci Dünya Müharibəsi illərində kimyəvi silahlardan heç bir tərəf istifadə etmədi", - Arestoviç BBC-ə deyib. 

Bununla belə o, bu məsələdə Ukraynanın ABŞ və müttəfiqlərinə ümidli olduğunu da vurğulayıb "Kimyəvi silahı Rusiya  mülki əhaliyə qarşı tətbiq etməyə hazırlaşır. Bayden bildirib ki, kimyəvi silahdan istifadə edilsə  NATO-nun müdaxilə edəcəyi mütləqdir”, - Arestoviç deyib. 

Arestoviçə görə, kollektiv məsuliyyətdən söhbət gedə bilməz. 

"Konkret cinayətkarları müəyyən etmək üçün uzun illər işləmək  kollektiv məsuliyyət qoymaqdan daha yaxşıdır. Başqa tərəfdən  əgər Putin rejimi aradan qaldırılarsa o zaman Rusiya dövləti şəxsi və korporativ işlər üzrə məhkəmə proseslərinə cəlb edilməli və  məsuliyyət daşımalıdır”,  - Arestoviç bildirib.