Almaniyada həm Rusiya, həm də Ukrayna tərəfdarları yürüş keçirib

Almaniyanın bir sıra şəhərlərində ruslara qarşı ayrı-seçkiliyə etiraz edərək küçələrə çıxan Moskva tərəfdarları Rusiyanın Ukraynaya hərbi müdaxiləsinə etiraz edən nümayişçilərlə üz-üzə gəlib.

Qarşıdirma zamanı azı iki nəfər həbs edilib.

Almaniyanın Bild qəzetinin verdiyi məlumata görə, ölkənin şimalında yerləşən Hannover şəhərindəki motosiklet yürüşündə təxminən 650 Rusiya tərəfdarı nümayişçi iştirak edib.

Ölkənin maliyyə paytaxtı olan Frankfurt şəhərinin polisi yüzlərlə insanın Rusiya tərəfdarlarının aksiyasına qatıldığını bildirib.

Almaniya polisi Rusiya prezidenti Vladimir Putinin fevralın 24-də Ukraynaya qarşı hərbi müdaxiləyə başlamasından sonra Rusiyaya qarşı 383 və Ukrayna əleyhinə 181 qanun pozuntusunu qeydə alıb.

Almaniyada 1,2 milyon Rusiya, 25 min Ukrayna əsilli insan yaşayır.

Hannoverdə etirazçılar avtomobillərini Rusiya və Almaniya bayraqları ilə bəzəyib. Bild qəzetinin bildirdiyinə görə, mitinqin başlaması əks-etirazçılar tərəfindən gecikdirilib.

Rusiya tərəfdarı nümayişçilərə Almaniyanın Ukraynaya qarşı təcavüz və işğalın rəmzi hesab etdiyi V və ya Z simvollarını daşımaq qadağan edilib.(dha)

 

Ləman Qasımova