Ukraynada professor səngərdən tələbələrinə dərs keçir

"Döyüş növbələri arasındakı fasilə zamanı UjMU professoru Fedor Şandor tələbələrinə "Turizm tədqiqatları” üzrə mühazirə oxuyur. Şandor daim hərəkətdədir, ordumuza kömək edən fəal zakarpatiyalılarla ilə əlaqə saxlayır. Tələbələrə deyilən mühazirələr isə müqəddəsdir, onları əldən qaçırmaq olmaz”, –  Şandorla eyni bölmədə xidmət edən Şadey yazıb.

Müharibənin elə ilk günü Şandor Fedor Fedoroviç hərbi komissarlığa gəlib və hazırda müdafiə batalyonunda xidmət edir. İndi o, Ukraynanın şərqindədir.

"Məndə dəqiq bir insayder var: bu iki ay ərzində onun dəftərində Zakarpatiya üçün çoxlu maraqlı fikirlər yazılıb, biz onları müharibədən sonra mütləq həyata keçirəcəyik”, – Şadey qeyd edib.

Müəllimin səngərdəki şəkli mədəniyyət naziri Oleksandr Tkaçenkonun da diqqətindən yayınmayıb.

"Ukraynada distant təhsil yeni səviyyəyə keçir. Sadəcə, Ujqorod professoru Fedor Şandor Ukraynanın şərqindəki səngərlərdən dərslər aparır. Bunu necə, bəyənirsən, İlon Mask? Mən Fedoru şəxsən tanıyıram, bununla çox fəxr edirəm”, – Tkaçenko vurğulayıb.

 

Ukraynaya fevralın 24-də Rusiya hücum edib və müharibə bugünədək davam edir.