Turistlər üçün 3G qaydası ləğv edilir

Mayın 16-dan etibarən Avstriyaya səyahət edənlər üçün koronavirus pandemiyası ilə əlaqədar tətbiq olunan 3G qaydası (peyvənd sertifikatı, sağalmaya dair arayış və ya PZR testi) ləğv edilir.
 
Modern.az xarici KİV-ə istinadən xəbər verir ki, yeni qərara əsasən, dünyanın istənilən yerindən Avstriyaya səfər edənlər heç bir öhdəlik olmadan ölkəyə daxil ola biləcəklər.
 
Avstriya Səhiyyə Nazirliyindən bildirilib ki, virus variantları regionlarının əks olunduğu siyahı qüvvədə saxlansa da, hazırda həmin siyahıda heç bir ölkə və ya regionun adı yoxdur. Əgər haradasa virus yenidən meydana gələrsə, o zaman həmin ölkə üzrə test, qeydiyyat və karantin öhdəliyinə dair məlumatları bu siyahı əsasında əldə etmək mümkün olacaq.

www.anews.az