Xamenei əhalinin sayının artırılmasını "vacib dini əməl" adlandırıb

İranın ali rəhbəri ayətullah Əli Xamenei yenidən ölkə əhalisinin sayının artırılmasının "zəruri" olduğunu deyib və bu işi "əsas fərzlər"dən, yəni vacib dini əməllərdən biri adlandırıb.

O, bu sözləri İranın Mİlli Cəmiyyət Qərargahının bu gün keçirilən iclasının iştirakçılarına göndərdiyi müraciətdə qeyd edib.

İclasda iştirak edən prezident İbrahim Rəisi isə bildirib ki, bütün dövlət orqanları əhalinin sayının artırılması qanununun icrasına görə məsuliyyət daşıyır.

Belə bir vəziyyətdə nə Əli Xamenei, nə də İbrahim Rəisi yoxsul ailələrin hansı maddi resurs və ümidlə çox uşaq dünyaya gətirməyə maraqlı olmaları ilə bağlı açıqlama verməyiblər.(azad iran)

www.anews.az