Gürcüstan hökuməti “Borjomi”nin səhmdarı ola bilər

 

Bu barədə şirkətdən bildirilib.

 

 "IDS Borjomi International” şirkəti Gürcüstan hökumət ilə danışıqlar zamanı səhmlərin bir hissəsini qarşı tərəfə təqdim olunması ilə bağlı rəsmi təklif irəli sürüb. Bu addım Gürcüstan hökumətinə beynəlxalq şirkətin idarəçiliyində iştiraka imkan verəcək.

 

Bildirilib ki, regionda son zamanlar baş verən neqativ hadisələr "IDS Borjomi International” şirkəti üçün çətinliklər yaradıb və bunun nəticəsində Borjomi şəhərindəki iki qablaşdırma zavodunda istehsal dayandırılıb: "Nəticədə mindən çox insan işini itirmək təhlükəsi ilə üz-üzə qalıb. Gürcüstan hökuməti təklifi qəbul edəndən sonra "IDS Borjomi” şirkəti zavodlarda istehsal prosesini və iqtisadi fəaliyyətini bərpa edə biləcək”.

 

"IDS Borjomi” şirkətinin iki qablaşdırma zavodunda istehsal prosesi aprelin 30-dan müvəqqəti dayandırılıb. Şirkət səhmlərinin Rusiyaya məxsusluğu səbəbindən sanksiyalara məruz qalıb və ciddi maliyyə problemləri ilə üzləşib. Şirkət bu ayın əvvəlində 49 əməkdaşını ixtisar edib.