BƏƏ 2020-ci ildən bəri ilk dəfə Avropaya 1 milyon barel neft göndərib

Birləşmiş Ərəb Əmirlikləri 2020-ci ildən bəri ilk dəfə "Moskva Spirit" tankerində Avropaya 1 milyon barrel neft göndərib. Bu barədə Bloomberg məlumat yayıb.

Qeyd olunur ki, tanker Hollandiyaya, daha doğrusu Rotterdama doğru gedir.

Agentliyin məlumatına görə, tanker TotalEnergies tərəfindən icarəyə götürülüb. Əmirlik nefti bu şirkətin daha bir supertankerindədir. Ehtimal olunur ki, bir sıra ölkələrin Rusiya neftindən imtina etməsi səbəbindən bu yük Avropaya çata bilər.


Avropa İttifaqında Rusiyaya qarşı neft embarqosunun tətbiqi mayın əvvəlindən aktiv şəkildə müzakirə olunsa da, indiyədək bu məsələ ilə bağlı dialoq konsensusa gətirib çıxarmayıb. Xüsusilə, Macarıstan müvafiq qadağanı əngəlləyir, keçid dövrünün uzadılmasında və ya ölkənin məhdudiyyətlərdən çıxarılmasında israrlıdır. Eyni zamanda, təkcə Budapeşt deyil, bir sıra digər dövlətlər, o cümlədən Bolqarıstan da Rusiya neftindən tamamilə imtina etməyə hazır deyil.

Bir gün əvvəl Avropa Komissiyasının (AK) sədri Ursula fon der Leyen Rusiya neftinin alınmasından təcili imtinaya qarşı çıxıb.


www.anews.az