Səudiyyə Ərəbistanının iki nümayəndə heyəti ABŞ-a səfər edəcək
05.06.2022 21:40
Səudiyyə hökumətinin iki nümayəndə heyəti bu ay Birləşmiş Ştatlara səfər etməyi planlaşdırır. Bu barədə Amerikanın Səsi məlumat yayıb.
Adlarının açıqlanmasını istəməyən iki rəsminin məlumatına görə, Səudiyyə Ərəbistanının Ticarət naziri Məcid bin Abdullah əl-Qəsəbinin başçılığı ilə ilk nümayəndə heyətinin Vaşinqtona iyunun 15-də səfər edəcəyi gözlənilir. Sərmayə naziri Xalid əl-Fəlihin başçılıq etdiyi ikinci nümayəndə heyətinin isə ayın sonunda səfəri planlaşdırılıb.
Səudiyyə Ərəbistanı şərh istəyinə dərhal cavab verməyib.
Bayden cari il iyunun 3-də açıq şəkildə yaxında Səudiyyə Ərəbistanına səfər edə biləcəyini etiraf edib. Bir neçə mənbədən verilən məlumata görə, bu səfər gözlənilir və səfər çərçivəsində Səudiyyənin vəliəhd şahzadəsi Məhəmməd bin Salmanla danışıqlar baş tuta bilər.
Baydenin açıqlamasının ardınca OPEC+ kimi tanınan Neft İxrac Edən Ölkələr Birliyi və müttəfiqləri neft hasilatını artırmaq qərarına gəlib, Səudiyyənin dəstəklədiyi hökumətlə İranyönlü husilər arasında isə Yəməndə atəşkəsin uzadılmasına dair razılıq elan olunub.
Körfəz ölkələrinin Çin və Rusiya ilə dərinləşən əlaqələrindən narahat olan ABŞ-ın mövqeyi də dəyişir.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
