Kreml Kiyevin Ukrayna limanlarından taxıl ixracı ilə bağlı mövqeyini bildirib

"Biz Ukrayna tərəfinin mövqeyini başa düşməliyik. Söhbət Ukrayna taxılından gedir. Bu taxıl ukraynalıların iddia etdiyindən azdır, beynəlxalq bazara təsir etmək üçün taxıl ehtiyatlarının əhəmiyyətini şişirtməyə ehtiyac yoxdur. Yenə deyirik ki, dünyada ərzaq böhranına səbəb olan Ukrayna böhranı deyil, ondan əvvəl müxtəlif ölkələrin hadisələr zənciri və yanlış hərəkətləri olub”, - Kremlin sözçüsü bildirib.

Bir gün əvvəl Ukraynanın Türkiyədəki səfiri Vasili Bodnar demişdi ki, Kiyevə yeni silahlar verilərsə, Ukrayna kənd təsərrüfatı məhsullarının dənizlə daşınmasını bərpa etməyə razı olacaq.

Bundan əvvəl Türkiyənin Rusiya, Ukrayna və BMT nümayəndələri ilə apardığı danışıqların yekunlarına əsasən, "taxıl dəhlizi”nin işinə dair yol xəritəsi hazırlanıb. Bunun qlobal ərzaq böhranının qarşısını alacağı gözlənilir.

Rusiya prezidenti Vladimir Putin Moskvanın bu prosesə müdaxilə etmədiyini təsdiqləyib və taxıl ixracının yollarını qeyd edib: Qara dəniz hövzəsinin Ukrayna limanları vasitəsilə, Belarus vasitəsilə, lakin bunun üçün respublikadan sanksiyaları aradan qaldırmaq lazımdır.