Hindistanda etiraz aksiyalarında 2 nəfər ölüb

Hindistanın hakim partiyası – "Bharatiya Canata Parti”nin rəsmi nümayəndəsi Nipur Şarmanın Məhəmməd Peyğəmbərin ünvanına səsləndirdiyi qalmaqallı fikirlərə qarşı Rançi şəhərində (Carkxand ştatı) keçirilən etiraz aksiyalarında ötən sutka ərzində azı 2 nəfər ölüb, 10 nəfər isə yaralanıb.

Bu barədə NDTV kanalı məlumat yayıb.

Hindistanda iğtişaşlar ötən gün cümə namazından sonra başlayıb. Etirazçılar N.Şarmanın həbsini tələb edirlər.

N.Şarmanın milli televiziyada keçirilən debatlarda Məhəmməd Peyğəmbər haqqında səsləndirdiyi fikirlər müsəlmanlar tərəfindən təhqir kimi qəbul olunub. O, artıq vəzifəsindən və partiyadan uzaqlaşdırılıb.