Rusiya 104 il sonra eyni təhlükə ilə üz-üzə qaldı

"Bloomberg” agentliyi isə yazır ki, bu hadisə 1918-ci ildə hakimiyyətə gələn bolşeviklərin Rusiya imperiyasının borclarını ödəməkdən imtina etdiyi vaxtdan sonra qeydə alınan ilk hadisədir. Agentlik yazır ki, bu hadisə Rusiyanın defolt elan etməsilə nəticələnə bilər.

Rusiyanın maliyyə naziri Anton Siluanov isə bildirib ki, Rusiyanın xarici valyutada dövlət borclarını ödəyə bilməməsini defolt adlandırmaq doğru deyil. Nazirlikdən bildirilir ki, Moskva investorların pulunu rublla ödəməyə hazırdır.  

Qeyd olunan 100 milyon dollarlıq borc üzrə faizlərin ödəniş tarixi bu ilin may ayına aiddir. Qarşıdakı aylarda Rusiyanın ödəyəcəyi dövlət borcunun məbləği daha böyük olacaq. Belə ki, iyul ayında Rusiyanın 394, sentyabrda 372, oktyabrda 84, noyabrda 110, dekabr ayında isə 53 milyon dollarlıq borc üzrə faizləri ödəməsi lazımdır.

 

Kreml Rusiyanın xarici borcunu yerinə yetirməməsi ilə bağlı iddialarla razılaşmır. Kremlin mətbuat katibi Dmitri Peskov bildirib ki, Rusiya rəhbərliyinin mövqeyi hamıya məlumdur.

"Söhbət ondan ibarətdir ki, Qərb Rusiya aktivlərini qeyri-qanuni bloklayıb və bu pullardan hər hansı şəkildə istifadə etmək cəhdləri də qeyri-qanuni olacaq, mahiyyətcə açıq-aşkar oğurluq demək olacaq. Bu defolt iddiaları da tamamilə əsassızdır, çünki xarici valyutada lazımi ödəniş may ayında həyata keçirilib. Euroclear-ın bu pulu tutaraq alıcılara çatdırmaması isə artıq bizim problemimiz deyil. Yəni ki, bu halda bu vəziyyəti defolt adlandırmaq üçün heç bir əsas yoxdur”, - o deyib.