"Aeroflot"un top meneceri Aleksandrov həbs edildi

Moskvanın Qaqarinski Məhkəməsi "Aeroflot” şirkətinin baş direktoru Vladimir Aleksandrovu "külli miqdarda dələduzluq”a görə (Rusiya Federasiyası Cinayət Məcəlləsinin 159-cu maddəsinin 4-cü hissəsi) 7 il müddətinə ümumi rejimli koloniyaya göndərib. Bu barədə TASS məhkəmənin hökmünə istinadən xəbər verir.

Aleksandrov 250 milyon rubldan çox pul mənimsəməkdə təqsirli bilinib. Bundan əlavə, məhkəmə rusiyalını dövlət mükafatlarından məhrum edib.

Aleksandrovla birlikdə məhkəmə vəkillər Dina Kibets (6 il cəza; 600 min rubl cərimə) və Aleksandr Slivkonu (6,5 il 650 min rubl), habelə Aeroflotun hüquq şöbəsinin keçmiş rəhbərini günahkar bilib. 

144,9 milyon rubl üçün mülki iddia qaldırıldığı qeyd olunur. İşdə zərərçəkmiş tərəf kimi tanınan Federal Əmlakın İdarə Edilməsi Agentliyi mülki prosesdə baxılmaq üçün təqdim edilib.

İstintaqın məlumatına görə, Aleksandrov 2016-2017-ci illərdə "Aeroflot”da rəhbər vəzifədə çalışarkən Vəkillər Kollegiyası ilə 250 milyon rubl dəyərində hüquqi yardım göstərilməsi üçün dörd müqavilə bağlayıb. Aviaşirkətin vəkillərin xidmətinə ehtiyacı olmamasına baxmayaraq, təqsirləndirilən şəxslər cinayətkar qrupda birləşərək baha başa gələn müqavilələr bağlayıblar.


www.anews.az