Dünyada koronavirusla bağlı son STATİSTİKA

 

Virusa yoluxma sayına görə, ilk beşlikdə olan dövlətlər ABŞ (93 082 195), Hindistan (44 036 275 nəfər), Fransa (33 859 575 nəfər), Braziliya (33 833 900 nəfər) və Almaniyadır (30 853 312 nəfər).

 Azərbaycanla sərhəddə Rusiyada  18 601 719, Türkiyədə 15 889 495, İranda 7 391 026, Gürcüstanda 1 675 265, Ermənistanda isə 425 365 nəfərdə koronavirus aşkar edilib.

Azərbaycanda koronavirusa yoluxan 798 838 nəfərin 9 748-i ölüb, 786 682 xəstə müalicə olunaraq sağalıb.

 

ABŞ-ın KİV və digər açıq mənbələrin məlumatlarını ümumiləşdirən məşhur Cons Hopkins Universitetinin koronavirusun ən çox yayıldığı, təhlükəli ölkələrin siyahısında Azərbaycan 99-cu yerdə qərarlaşıb. Siyahıda Rusiya təhlükəli ölkə baxımından 25-ci, Gürcüstan 64-cü yerdə yer alıb.

Daha əvvəl "Reuters”, "Sinxua” da daxil olmaqla, dünyanın bir sıra nüfuzlu xəbər agentlikləri region və digər ölkələrlə müqayisədə Azərbaycanda həyata keçirilən bir sıra tədbirlər nəticəsində koronavirusa yoluxma və ölüm sayının az olduğunu vurğulayıblar.

Koronavirus 2019-cu ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) 2020-ci ilin fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

 

Aytac Zeynalova