Ermənistanda ekoloji fəlakət: heyvanlar kütləvi şəkildə məhv olur

Ermənistanın bir sıra rayonlarında su hövzələrinin çirklənməsi, sənaye tullantılarının atmosferə atılması çöl quşları üçün əsl fəlakətə çevrilib.

Bu barədə "Report” Ermənistan mətbuatına istinadən xəbər verir.

Ermənistanda kirli quşlar, o cümlədən leylək problemi artıq üçüncü ildir, aktualdır. Ekoloqların və fəalların həyəcan təbilinə baxmayaraq, məsələ hələ də həllini tapmayıb.

Çöl quşların əsasən məskən saldığı Ararat və Armavir bölgələrində tez-tez heyvanların yapışqan palçıqdan qaraldığını, demək olar, hərəkətsiz olduğunu görmək olar.

Zooloq Manuk Manukyan bildirib ki, onlar bu vəziyyətdə çox yaşaya bilməzlər.

Onun sözlərinə görə, quşların kirlənməsinin əsas səbəbi quşçuluq təsərrüfatlarının, ayrı-ayrı qida sənayesi müəssisələrinin, balıqçılıq təsərrüfatlarının ətraf mühitə atdıqları tullantılardır.

Hələ ötən il Ekologiya Nazirliyi tərəfindən aparılan yoxlama zamanı leyləklərin çirklənmə halları qeydə alınsa da, bunun səbəbləri heç bir yerdə aradan qalxmayıb.

Ekspert qeyd edib ki, təkcə son iki ayda nazirliyin nəzdindəki təftiş orqanı tərəfindən 4 quş tələfatı qeydə alınıb. Onların səbəbləri təkcə çirklənmə və hərəkət edə bilməmək deyil, həm də xəsarətlərdir. Uçmağı bacarmayan bala leyləklər böyüsələr də, kirləndiklərindən tez-tez yuvalarından düşürlər.

Manukyan qeyd edib ki, quşları yerindəcə yumaq mümkün deyil, onlar xüsusi ərazilərə daşınmalı və yuyulması üçün xüsusi nəzərdə tutulan maddələrdən istifadə edilməlidir. Onun sözlərinə görə, ən çox leylək balaları kirlənir. Səbəblərdən biri suyun sıçramasıdır.

Yayın istisində dişi leylək balalarını sərinlətmək üçün dimdiyinə su gətirir və onlara səpməyə başlayır, yaxınlıqdakı su anbarlarının suyu adətən çirkli, sənaye tullantılarından yağlı olur. Bu da quşların kirlənməsinə səbəb olur.

Qeyd edək ki, Almaniya Təbiəti Mühafizə İttifaqının (NABU) filialı 2020-ci ildən bu quşların Ermənistandakı vəziyyətini, yayılma ərazisini, təqribi sayını və s. öyrənmək məqsədilə monitorinqlər aparıb. Ötən il aparılan monitorinqlərin nəticələrinə görə, quşların təxminən 60 faizinin kirləndiyi qeydə alınıb.