Planetdəki bütün insanların başına xüsusi çip taxmaq lazımdır - Elon Mask

Maskın sözlərinə görə, çip əlilliyi olan insanlara kömək edəcək.

 

"Yeni texnologiya onurğası zədələnmiş insanlara əvvəlki funksiyaların bərpasına kömək edəcək və iflic olan insanlara kompüter və smartfonlardan istifadə etməyə imkan verəcək", - o qeyd edib. 

Mask belə qənaətə gəlir ki, onun şirkətləri "Tesla", "SpaceX" və "Neuralink" texnologiyaları birlikdə "bəşəriyyət üçün daha yaxşı gələcəyə nail olmağa kömək edə bilər".

 

"Uzun müddətdə beyin-kompüter interfeysinin inkişafı ilə bu texnologiya xarici dünya ilə insan beyni arasındakı əlaqə kanallarını genişləndirəcək, beynin digər sahələrinə və yeni sinir məlumatlarına çıxış əldə edəcək”, – İlon Mask deyir.

 

Mask, Neuralink-in sinir çiplərinin indi hər bir halda ciddi şəkildə yaralanan insanlara kömək etdiyini söylədi. Nümunə olaraq o, motosikletlə qəzaya düşən və indi təkbaşına yemək yeyə bilməyən 25 yaşlı gəncdən danışıb. İş adamı izah edib ki, bu halda çip travmatik beyin zədələrini müalicə etmək və ya yüngülləşdirmək üçün proqramlaşdırılacaq.
 
Milyarder İlon Mask tərəfindən qurulan, insan beyninə implantasiya etmək üçün çip üzərində işləyən "Neuralink” neyron interfeysi tərtibatçısı vençur kapitalı mərhələsində 205 milyon dollar toplayıb. Ona rusiyalı milyarder Yuri Milnerin keçmiş ortağı tərəfindən təsis edilmiş Dubay şirkəti "Vy Capital” rəhbərlik edib.

2021-ci ilin aprelində Elon Mask öz şirkətinin Neuralink-in bu günə qədər əldə etdiyi ən böyük nailiyyəti – beyninə çip yerləşdirilmiş meymunun yalnız düşüncə gücü ilə müəyyən oyunu oynaya biləcəyi uğurlu təcrübədən danışmışdı. Çiplərin növbəti klinik sınaqlarının insanlar üzərində olacağı gözlənilir.