Tokayev də Paşinyana başsağlığı verdi

Qazaxıstan prezidenti Kasım-Jomart Tokayev Ermənistanda baş vermiş və çoxsaylı insan tələfatı ilə nəticələnmiş partlayışla bağlı təəssüfləndiyini bildirib, bu barədə prezidentin mətbuat xidməti məlumat yayıb.

Prezident Kasım-Jomart Tokayev İrəvandakı "Sürməli” ticarət mərkəzində baş vermiş və çoxsaylı insan tələfatına səbəb olan faciə ilə əlaqədar Ermənistanın baş naziri Nikol Paşinyana və bütün erməni xalqına başsağlığı verib.
 
Avqustun 14-də İrəvandakı "Surmalu” ticarət mərkəzində partlayış olub. Hadisə zamanı 16 nəfər ölüb, 62 nəfər isə xəsarət alıb.

www.anews.az