Almaniya Rusiyanı saxta məlumat yaymaqda və alman cəmiyyətini parçalamaqda ittiham edib
19.08.2022 11:33
Rusiya Almaniyada qaz qıtlığı və ərzaq qiymətlərinin artması ilə bağlı saxta məlumatlar yayır və bununla da alman cəmiyyətini parçalamağa çalışır. "Handelsblatt” qəzeti yazır ki, bunu Konstitusiyanın Mühafizəsi üzrə Federal Bürosunun (BfV) rəhbəri Tomas Haldenvanq bildirib.
"Rusiya kiberhücumlar və dezinformasiya kimi vasitələrdən alman cəmiyyətini parçalamaq üçün hibrid vasitələr kimi istifadə edir”, Tomas vurğulayıb.
Almaniya xüsusi xidmət orqanlarının rəhbəri həmçinin hesab edir ki, Almaniyanın daxili sabitliyinə təhlükə digər amillərlə yanaşı, "sağçı və solçu ekstremistlərdən, sui-qəsd nəzəriyyələrinin və nasist ideologiyasının tərəfdarlarından” gəlir.
Bundan əvvəl Almaniya qaz idxalçılarının Rusiyadan tədarükün azalması səbəbindən 32 milyard avro itirdiyi bildirilirdi. Şirkətlərin xərclərini ödəmək üçün Almaniya hakimiyyəti son istehlakçılar üçün qaz vergisi tətbiq etdi.
Gülnar
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
