Hindistanda "pomidor qripi"nə 82 uşaq yoluxub
22.08.2022 14:12
Hindistanın üç bölgəsində "pomidor qripi" virusuna indiyədək 82 uşaq yoluxub, bu barədə 9news.com saytı məlumat verib.
Virus Hindistanın Kerala, Tamilnadu və Odişadan vilayətində yayılıb və ilk dəfə mayın 6-da aşkarlanıb.
Pomidor qripi nədir?
"Pomidor qripi həyati təhlükəsi olmayan, lakin "yüksək yoluxucu" xəstəlikdir. Xəstəliyə yoluxmamaq üçün həkimlər daha diqqətli olmağa çağırır. Heç bir həyati təhlükəsiz olmasına baxmayaraq COVİD-19 pandemiyasından sonra həkimlər virusun risklər yarada biləcəyini ehtimal edirlər. Mütəxəssislər hesab edirlər ki, virus əl, ayaq və ağız xəstəliyinin yeni variantı ola bilər. Onlar bildiriblər ki, virus beş yaşa qədər uşaqları və immuniteti zəif olan böyükləri hədəf alan ümumi yolxucu xəstəlikdir. Uşaqların pomidor qripinə məruz qalma riski daha yüksəkdir, çünki bu yaş qrupunda infeksiyalar tez-tez rast gəlinir və yayılma ehtimalı yaxın təmas nəticəsində baş verir.
1.Dəridə görünən yara və qırmızı suluqlar
2.Hərarət
3.Yorğunluq
4.Qusma
5.İshal
6.Bədən ağrıları
7.Ümumi qripə bənzər simptomlar
Ölümcül olmayan virusa hələ heç bir peyvənd müalicəsi tətbiq edilmir. Ona qarşı ən təsirli müalicənin bol maye içmək və istirahət etmək olduğu bildirilir.
Sadiq Cavadov
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
