Avrozonada illik inflyasiya avqustda rekord səviyyəyə yüksəldi

Avrozonanın 19 ölkəsində illik inflyasiya 2022-ci il avqustun sonuna kimi rekord səviyyəyə - 9,1%-ə yüksəlib. Bir ay əvvəl bu göstərici Eurostat statistikasına görə 8,9% təşkil edib.

Yayın son ayında inflyasiyanın artmasına bir sıra amillər təsir edib. Əsas olanlar arasında enerji resursları, ərzaq, spirt və tütün məmulatlarının bahalaşması var.

"Avqustda enerji qiymətlərinin artım tempi illik hesablamada ən yüksək olacaq.

2022-ci ilin əvvəlindən digər kateqoriya məhsullar da bahalaşıb. Bunlara istehsal olunan mallar və xidmətlər daxildir.

"Avqustda qeyri-enerji sənayesi məhsulları iyulda 4,5 faizlə müqayisədə 5 faiz, xidmətlər bir ay əvvəlki 3,7 faizlə müqayisədə 3,8 faiz bahalaşıb”, – Eurostat qeyd edib.

Avqustun 30-da Almaniyanın Federal Statistika İdarəsi (Destatis) ötən yay ayında ölkədə illik inflyasiyanın 2021-ci illə müqayisədə 7,9%-ə qədər sürətləndiyi barədə məlumat verib. Belə yüksək inflyasiyanın göstəriciləri Almaniyada 1973-1974-cü illərin qışında müşahidə edilib.

www.anews.az