Kiyevdə restoranlar saat 22:00-dan sonra işləməyəcək

Kiyevdə sentyabrın 1-dən barlar, restoranlar və digər iaşə obyektləri saat 22:00-da bağlanmalı olacaq.

Müvafiq qərarı Kiyev Müdafiə Şurası verib.

Kiyev Şəhər Dövlət Administrasiyası qeyd edir ki, məhdudiyyət saat 23:00-da Kiyevdə komendant saatı fəaliyyətə başladığı üçün hüquq-mühafizə orqanlarının əməkdaşları ilə münaqişə vəziyyətlərinin qarşısını alacaq.

Ukraynada müharibə 189-cu gündür ki, davam edir.

 Ukrayna Silahlı Qüvvələrinin Baş Qərargahı bildirib ki, Rusiya Federasiyasının üçüncü ordu korpusu Xarkov və Zaporojye yaxınlığında köçürülür. Yəni, görünür, Rusiya orada hücum əməliyyatlarını gücləndirmək niyyətindədir. Qərb mətbuatı Rusiya Federasiyasının Ukraynadakı müharibə üçün İranın pilotsuz təyyarələrini artıq aldığını yazıb. Ukrayna Silahlı Qüvvələrinin cənuba hücumuna gəlincə, rəsmilər döyüşlərin gedişi ilə bağlı açıqlama verməyib, yalnız onların davam etdiyi bildirilib. Prezident Aparatının rəhbəri Yermak "müharibədə yeni mərhələ” elan edib və Qərbi Ukraynanın təhlükəsizliyini gücləndirmək üçün yeni addımlar atmağa çağırıb.

Gülnar

www.anews.az