Almaniyada işsizlik səviyyəsi avqustda 5,5%-ə yüksəlib

Almaniyada 2022-ci ilin avqustda işsiz vətəndaşların sayı 28 min nəfər artıb. Bloomberg-in məlumatına görə, ölkədə işsizlik səviyyəsi iyulda 5,4%-dən yayın son ayında 5,5%-ə yüksəlib.

Ukraynadan getdikcə daha çox qaçqın qəbul etdikdən sonra Almaniyada işsizlik səviyyəsi avqustda 0,1% artıb. Bununla belə, Federal Əmək Agentliyinin rəhbəri Andrea Nalesin sözlərinə görə, ölkədə əmək bazarı sabit səviyyədə qalır.

"İqtisadi və siyasi qeyri-müəyyənliyə baxmayaraq, əmək bazarı dayanıqlıdır. Avqustda ilin bu vaxtı üçün işsizlik və qeyri-məşğulluq yenidən həmişəkindən daha güclü artıb. Lakin bu, hələ də ukraynalı qaçqınların qeydiyyatı ilə bağlıdır”, - deyə Nales bildirib.

Almaniyada avqustun sonuna kimi 1 milyona yaxın insan qaçqın kimi qeydə alınıb. Eyni zamanda, onların faktiki sayı daha çox ola bilər, Bloomberg iddia edir.




www.anews.az