Oyunda qırmızı kart göstərən hakimi uçurumdan atdılar

Çilidə futbol matçının hakiminə qarşı zorakılıq edilib.
 
Xarici KİV xəbər verir ki, "Club Real Deportivo 1 de Mayo” və "Club Salvador” arasında baş tutan oyunda qırmızı vərəqə verən hakim oyunçular tərəfindən dəyənəklə döyülüb.
 
Sakitləşə bilməyən futbolçular döydükləri hakimi əvvəlcə futbol meydançasının yaxınlığındakı dərəyə aparıb, daha sonra uçurumdan aşağı atıblar. Ağır yaralanan referi ətrafdakı insanlar tərəfindən xəstəxanaya çatdırılıb.
 
Hadisə üzə çıxandan sonra futbol ictimaiyyəti ayağa qalxıb. Futbolsevərlər hakimə qarşı zorakılıq edən şəxslərin ən ağır şəkildə cəzalandırılmasını tələb ediblər.

www.anews.az