Ermənistan ordusunun itkilərinin sayı artıb - YENİLƏNİB
16.09.2022 11:55
Ermənistanın baş naziri Nikol Paşinyan sentyabrın 13-dən Azərbaycan Silahlı Qüvvələrinin tərkibində gedən döyüşlərdə 135 hərbçinin həlak olduğunu açıqlayıb. O, həmçinin ölənlərin sayının dəqiqləşdirilməsinin davam etdiyini deyib. Bu barədə İnterfax agentliyi məlumat yayıb.
"Azərbaycan Silahlı Qüvvələri ilə döyüşlər zamanı 135 hərbçinin həlak olması barədə məlumatımız var. Amma təəssüf ki, bu rəqəmin yekun olmadığını bilirik", - Paşinyan cümə günü hökumətin iclasında deyib.
Onun sözlərinə görə, "yaralılar da çoxdur”.
"Bizim mövqeyimiz birmənalıdır - Azərbaycan Silahlı Qüvvələri suveren ərazimizi tərk etməlidir. Söhbət təkcə son günlər hadisələrin cərəyan etdiyi ərazilərdən deyil, həm də Azərbaycan Silahlı Qüvvələrinin ötən il mayın 12-də daxil olduqları Xoznavar ərazisindən də gedir (Ermənistanın cənubundakı Sünik rayonu - İ.F.)", - Paşinyan bildirib.
Öz növbəsində Ermənistan Ombudsmanı Kristine Qriqoryan Azərbaycan Silahlı Qüvvələrinin endirdiyi zərbələr nəticəsində bir nəfərin həlak olması və altı mülki şəxsin yaralanması barədə məlumat verib.
Rəsmi İrəvan sentyabrın 13-nə keçən gecə Ermənistan-Azərbaycan sərhədinin bir sıra ərazilərində Azərbaycan ordusu ilə gedən döyüşlər və Azərbaycan tərəfinin Ermənistan ərazisinin dərinliklərinə doğru irəliləmək cəhdləri barədə məlumat yayıb.
Rəsmi Bakı bunu qəti şəkildə təkzib edərək bildirir ki, "Ermənistan silahlı qüvvələri Azərbaycan-Ermənistan sərhədi ərazilərində genişmiqyaslı təxribatlara yolverib”, Azərbaycanın ərazisinə və suverenliyinə qarşı hərbi təhdidlərin qarşısının alınması üçün tədbirlər görülüb.
Azərbaycanın Müdafiə Nazirliyi cümə axşamı 12-14 sentyabr tarixlərində iki ölkənin sərhədində Ermənistan ordusu ilə döyüşlərdə həlak olan hərbçilərin siyahısını açıqlayıb. Həmin siyahıda 71 nəfər var.
N.Təbrizli
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
