“iPhone 14”ün istehsalı azaldılır

ABŞ-nin "Apple" şirkəti aşağı tələblə əlaqədar "iPhone 14" smartfonlarının istehsalını azaltmağı planlaşdırır. Bu barədə "Bloomberg" agentliyi yazıb.
 
Şirkət ilin sonunadək 90 milyon qurğu istehsal etməyi nəzərdə tutur. Bununla belə, "Apple"in ilkin planları 6 milyon daha artıq "iPhone 14" istehsal etmək idi.
 
"Bloomberg" bildirir ki, dünyanın ən iri bazarı olan Çində "iPhone 14"ün ilk üç gün ərzində satışları ötən il eyni dövründə "iPhone 13"ün satışlarından 11 faiz az olub.
 
"iPhone 14" smartfonunun təqdimatı iki həftə əvvəl baş tutub.

www.anews.az