"Qazprom" ilin birinci yarısında rekord məbləğdə 1,208 trilyon rubl dividend ödəyəcək

"Qazprom”un səhmdarları növbədənkənar iclasda 2022-ci ilin birinci yarısı üçün enerji holdinqinin tarixində ilk aralıq dividendləri ödəməyə qərar veriblər. Ödənişlərin məbləği bir səhm üçün 51,03 rubl təşkil edəcək, şirkətin saytında bildirilir.


"İclas Direktorlar Şurası tərəfindən 2022-ci ilin birinci yarısı üçün tövsiyə olunan aralıq dividendlərin məbləğini təsdiqlədi. Ödənişlərin ümumi məbləği 1 trilyon 208,059 milyard rubl təşkil edəcək”, - məlumatda deyilir.

İlin birinci yarısı üçün dividendlərin ümumi məbləği Qazprom Qrupunun 2022-ci ilin ilk altı ayı üçün düzəliş edilmiş xalis mənfəətinin 50%-ni təşkil edəcək. Holdinqin mətbuat xidməti xəbər verir ki, bu rəqəm Rusiya fond bazarının bütün tarixi üçün rekord olacaq.

Aralıq dividend almaq hüququ olan şəxslərin müəyyən olunduğu tarix 11 oktyabr müəyyən edilib. Qiymətli kağızların nominal sahiblərinin müxtəlif kateqoriyalarına ödənişlər prosesi oktyabrın 15 və ya 24-də başa çatacaq, Qazprom-un bəyanatında deyilir.

Avqustun 30-da "Qazprom”un Telegram kanalı məlumat yayıb ki, enerji holdinqinin ilin birinci yarısında beynəlxalq maliyyə hesabatları standartlarına (BMHS) görə xalis mənfəəti rekord həddə - 2,5 trilyon rubl təşkil edib. Eyni zamanda, bu müddət ərzində inhisarçının borc yükünün səviyyəsi minimuma enib.

www.anews.az