Bolqarıstanda seçki başladı

Bolqarıstanda bu gün Milli Assambleyaya, yəni birpalatalı parlamentə deputatların növbədənkənar seçkiləri başlayıb.
 
Yerli vaxtla səhər saat 07:00-da (Bakı vaxtı ilə 08:00 - Red.) ölkədə təxminən 13 min seçki məntəqəsi açılıb.
 
Bildirilir ki, gün ərzində təxminən 6,7 milyon insan saat 20:00-a kimi səs verəcək.
 
Əksər məntəqələrdə xüsusi səsvermə aparatları quraşdırılıb. Xaricdə Bolqarıstan vətəndaşları üçün 62 ölkədə 750-yə yaxın seçki məntəqəsi fəaliyyət göstərir.
 
Parlamentdəki 240 yer uğrunda 22 partiya və altı koalisiyanı təmsil edən 6 624 namizəd mübarizə aparır.

www.anews.az