Ukrayna İranla diplomatik əlaqələri kəsə bilər

Nazirin sözlərinə görə, "Tehran Ukrayna ilə münasibətlərin pozulmasına görə tam məsuliyyət daşıyır".

"İran pilotsuz təyyarələrinin Ukraynanın mülki infrastrukturuna çoxsaylı dağıntılarını, xalqımızın ölüm və iztirablarını, İranın Rusiyaya silah tədarükünü davam etdirə biləcəyi ilə bağlı xəbərlərin yayılmasını nəzərə alaraq, Ukrayna prezidentinə İranla diplomatik əlaqələri kəsməsi məsələsini nəzərdən keçirməsini təklif edirəm" - Kuleba bildirib.

O, həmçinin bildirib ki, Ukrayna İran səfirinin akkreditasiyasını yeniləməyib və İran səfirliyindəki işçilərin sayını bir neçə nəfərə endirib. Kulebanın sözlərinə görə, oktyabrın 17-də Avropa İttifaqı nazirlərinin görüşündə o, Rusiyaya ukraynalıları qətlə yetirməkdə yardım etdiyinə görə İrana qarşı sanksiyalar tətbiq etməyə çağırıb.

"İrana qarşı sərt sanksiyalar xüsusilə indi, İranın Rusiyaya ukraynalılara qarşı istifadə etmək üçün ballistik raketlər vermək niyyəti barədə xəbərləri eşitdikdə daha aktualdır. İranın hərəkətləri alçaqlıq və yalandır ki, biz buna dözməyəcəyik. İran bizə onun müharibənin əleyhinə olduğunu və heç bir tərəfi silahla dəstəkləməyəcəyini deməsindən sonra edib" , Kuleba deyib.

O vurğulayıb ki, bütün münasibətlərin bərpası yalnız İranın Rusiyaya silah tədarükünü dayandırmasından sonra olar.

Dmitri Kuleba eləcə də bildirib ki, Ukrayna hava hücumundan müdafiə sistemlərinin dərhal təmin edilməsi xahişi ilə İsrailə rəsmi nota göndərəcək.

"Bu gün Ukrayna İsrail hökumətinə Ukraynanı dərhal hava hücumundan müdafiə sistemləri ilə təmin etmək və Ukrayna üçün müvafiq texnologiyaların əldə edilməsində yüksək səviyyəli əməkdaşlığa başlamaq xahişi ilə rəsmi nota göndərəcək", Ukrayna Xarici İşlər Nazirliyinin rəhbəri bildirib.