Salman Rüşdini bir gözü görmə qabiliyyətini itirib

"Onun sinəsində 15-ə yaxın yara yeri var", - Nyu-Yorkdan olan təmsilçi Andrew Wylie İspaniyanın El País qəzetinə  bildirib. "Bu vəhşi hərəkət idi", - o deyib. 

Cənab Wylie, yazıçının harada olduğunu açıqlamayıb. 

Hücum Nyu York ştatında bir tədbir zamanı baş verib. 

Salman Rüşdi 1988-ci ildə yazdığı "Şeytan ayələri" romanına görə uzun müddətdir ki, ölüm təhdidləri ilə üzləşirdi.  Buna səbəb bəzi müsəlmanların kitabı küfr hesab etməsi idi.

Hücumda ittiham olunan ABŞ əsilli 24 yaşlı Hadi Matar isə adam öldürməyə cəhddə təqsirli olmadığını bildirib.

"Boynunda üç ağır yara olub. Qolunun sinirləri kəsildiyi üçün bir əli işləmir",- təmsilçi deyib.

"Onun harada olduğu barədə heç bir məlumat verə bilmərəm. O, yaşayacaq. Əsas budur", müəllifin hələ də xəstəxanada olub-olmaması ilə bağlı suala cənab Wylie belə cavab verib. 

Hücum avqustun 12-də Nyu-York ştatındakı Çautauqua İnstitutunda baş verib. Hadisə baş verən vaxt Salman Rüşdi ABŞ-ın yazıçılar üçün sığınacaq rolunu oynaması haqqında nitq söyləyirdi.

 

"Şeytan ayələri” nəşr olunduqdan sonra yazıçı təxminən 10 il gizlənməyə məcbur olub. Müsəlmanların çoxu buna qəzəblə reaksiya göstərərək, Məhəmməd peyğəmbərin təsvirinin onların imanını təhqir etdiyini iddia ediblər.

O bu səbəbdən ölüm təhdidləri ilə üzləşib və İranın o vaxtkı lideri Ayətullah Ruhullah Xomeyni, müəllifin başına 3 milyon dollar (2,5 milyon funt sterlinq) mükafat qoyub, həmçinin,  Rüşdinin öldürülməsinə çağırış edən fətva verib.

İran hökuməti Xomeyninin fərmanından uzaqlaşsa da, fətva hələ də qüvvədədir və İranın  dini fondu 2012-ci ildə mükafata əlavə 500.000 dollar əlavə edib.

Yazıçının nümayəndəsi El Pais-ə deyib ki, o, illər ərzində  bu cür təhdidləri müzakirə edib.

"Fətva verildikdən uzun illər sonra onun üzləşdiyi əsas təhlükə təsadüfi bir adamın  haradansa  hücum etməsidir. Bu, tamamilə gözlənilməz və məntiqsizdir. O səbəbdən də, siz bundan qoruna bilməzsiniz. Bu cəhətdən, hadisə Con Lennonun qətlinə bənzəyir”, - təmsilçi deyib.

Salman Rüşdi  1947-ci ildə Hindistanda anadan olub. Kembric Universitetində oxumazdan əvvəl İngiltərədəki internat məktəbinə göndərilib. 2007-ci ildə ədəbiyyata xidmətlərinə görə, ser tituluna layiq görülüb. 

Hadisə geniş şəkildə ifadə azadlığına hücum kimi pislənərək, ona dəstək nümayiş olunub.