Rusiyada koronavirusun yeni variantları aşkar edilib

Onun sözlərinə görə, bu növ virusun tez yayılması gözləniləndir.  Bunun nə qədər tez baş verə biləcəyi isə hələ məlum deyil.

"Keçən həftə biz Rusiya üçün iki yeni genovariant müəyyən etdik – bunlar BQ.1 və BQ.1.1 ("Cerberus”)”,  o bildirib.

Eyni zamanda, Popova qeyd edib ki, hazırda ölkədə epidemioloji vəziyyət sabitləşir,  artıq beşinci həftədir ki, COVID-19-a yoluxanların sayında azalma müşahidə olunur.

"Bu gün kəskin təhdidedici artım proqnozları yoxdur, alimlərimiz belə proqnozlar vermirlər",  Rospotrebnadzor rəhbəri deyib.

Buna baxmayaraq o etiraf edib ki, payızın sonuna qədər yeni növ koronavirusun  müəyyən qədər artması mümkündür. Amma məhdudlaşdırıcı tədbirlərin tətbiqi üçün heç bir əsas yoxdur.

Onun fikrincə, Rusiyada artıq formalaşmış immunitet təbəqəsi yeni ştammların yaranmasına baxmayaraq, onun kəskin artmasının qarşısını almağa kömək edəcək. 

Rospotrebnadzor rəhbəri xatırladıb ki, qorunma üsulları eyni qalır. Bura təmiz əllər, kütləvi yerlərdə maska taxmaq və s daxildir. 

Koronavirusun qeyri-rəsmi olaraq Cerberus adlanan variantı BA.5 omikron ştammının alt xəttidir və super-sürətlə yayılmağa imkan verən əlavə mutasiya kimi digərlərindən seçilir. Oktyabrın ortalarına qədər bu variant təxminən 30 ölkədə müəyyən edilib. 

 

Hazırda Azərbaycanla Rusiya arasında quru sərhəd bağlıdır.