Erməni hərbçilərin təlimində partlayış - Yaralılar var

Ermənistan silahlı qüvvələrinin bölmələrindən birində təlim-məşq zamanı baş vermiş hadisə nəticəsində bir neçə hərbi qulluqçu yaralanıb.
 
Erməni KİV xəbər verir ki, Ermənistanın Gorus rayonu ərazisindəki təlim sahəsinə çıxarılan ehtiyat bölmələrin şəxsi heyəti ilə keçirilən məşğələ zamanı qumbaraatan mərmisi partlayıb.
 
Bildirilib ki, ehtiyatsızlıq səbəbindən baş vermiş partlayış nəticəsində bir neçə erməni hərbçi yaralanıb. Müxtəlif dərəcəli bədən xəsarətləri alan hərbi qulluqçular tibb məntəqəsinə yerləşdirilib.
 
Hadisə ictimaiyyətdən gizlədilsə də, faktla bağlı cinayət işi açılıb, araşdırma aparılır.

www.anews.az