Türkiyə Ukraynadakı münaqişənin həlli üçün səy göstərəcək - Ərdoğan təmsilçisi
02.11.2022 17:20
Ankara Ukraynadakı münaqişənin ədalətli həlli üçün bundan sonra da bütün səylərini göstərəcək. Bu barədə Türkiyə prezidentinin rəsmi nümayəndəsi İbrahim Kalın bildirib.
Bu barədə siyasətçi özünün "Twitter” səhifəsində Rusiyanın taxıl sazişində iştirakını bərpa etmək qərarını şərh edərkən yazıb.
Kalın Rusiya və Ukraynadan taxıl tədarükünün bərpasının "Türkiyənin konstruktiv və çoxsəviyyəli diplomatiyasının daha bir nailiyyəti” olduğu barədə də fikir bildirib.
Bundan əvvəl Ərdoğan noyabrın 2-də ukraynalı həmkarı Vladimir Zelenski ilə telefon danışığı aparacağını bildirmişdi.
Fevralın 24-də Rusiya prezidenti Vladimir Putin qondarma LXR və DXR rəhbərlərinin yardım xahişinə cavab olaraq Ukraynaya qarşı müharibəyə başlayıb.
Müharibə qərarı ABŞ və müttəfiqlərinin Rusiyaya qarşı yeni sanksiyalar tətbiq etməsinə səbəb olub.
N.Təbrizli
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
