İsrailin Baş naziri Azərbaycanın qərarını ALQIŞLADI

Azərbaycan İsrailin mühüm tərəfdaşıdır və müsəlman dünyasında ən böyük yəhudi icmalarından birinin vətənidir.  Bunu İsrailin Baş naziri Yair Lapid tviter hesabında yazıb.
 
O, rəsmi Bakının İsraildə səfirlik açmaq qərarını alqışladığını bildirib:
 
"Səfirlik açmaq qərarı iki ölkə arasında münasibətlərin dərinliyini əks etdirir. Bu addım İsrail hökumətinin müsəlman dünyası ilə möhkəm siyasi körpülər qurmaq səylərinin bəhrəsidir”.
 
Lapid, həmçinin Azərbaycan Prezidenti İlham Əliyevə təşəkür edib və və ilk dəfə İsraildə səfirlik səviyyəsində təmsil olunacaq Azərbaycan xalqını təbrik edib.

www.anews.az