Ukraynada 20 mindən çox dinc sakin öldürülüb - Avropa Komissiyası
30.11.2022 14:49
Ukraynada 20 mindən çox dinc sakin və 100 mindən çox əsgər öldürülüb. UNİAN xəbər verir ki, bu barədə Avropa Komissiyasının sədri Ursula fon der Leyen bildirib.
O, xüsusi məhkəmənin yaradılmasını və rusların törətdiyi hərbi cinayətlərin araşdırılmasını istəyib.
"Rusiyanın Ukraynaya təcavüzü ölüm, dağıntı və misilsiz iztirab gətirdi. Buçanın dəhşətini hamımız xatırlayırıq. Rusiya bu ağır cinayətlərin, o cümlədən suveren dövlətə hərbi hücumun əvəzini ödəməlidir. Məhz buna görə də biz BMT-nin Cinayət Məhkəməsini dəstəkləyərək BMT-nin nəzdində Rusiyanın cinayətlərini araşdıracaq və təcavüzkarları cəzalandıracaq daha bir xüsusi məhkəmənin yaradılmasını təklif edirik",- sədr bildirib.
Sədr əlavə edib ki, Rusiya da maddi cəhətdən kompensasiya verməlidir. Ukraynaya dəymiş ziyan 600 milyard avroya yaxındır. Rusiya və rus oliqarxları Ukraynanın bərpası üçün pul ödəməlidirlər.
Aytac Zeynalova
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
