Rusiyada qadınlara qadağan olunmuş bu peşələrə icazə veriləcək

 

Belə bir təkliflə qanun layihəsi dekabrın 6-da "Yeni insanlar” fraksiyasının deputatları tərəfindən təqdim edilib.

Əmək, sosial siyasət və veteranların işləri üzrə komitənin sədri Yaroslav Nilov bildirib ki, Dövlət Duması bu təşəbbüsə fevrala qədər baxa bilməyəcək.

Qadınların əməyinin məhdudlaşdırıldığı sahələrin yenilənmiş siyahısı 2021-ci il yanvarın 1-dən qüvvəyə minib. Buraya 100 peşə daxildir. Xüsusilə, qadınlara yanğınların söndürülməsində işləmək, dalğıc olmaq və bəzi kənd təsərrüfatı heyvanlarına qulluq etmək qadağandır.

Təşəbbüsün müəlliflərindən biri olan deputat Sardana Avksentyeva bildirir ki, qadınlara qadağan olunmuş peşələrin siyahısı keçmişin yadigarıdır, onun ləğvi iqtisadiyyatı dəstəkləyəcək, bir çox qadına öz sevimli işini tapmağa və özünü peşəkar şəkildə reallaşdırmağa imkan verəcək.

Deputat bildirib ki, əvvəlcə bu siyahı qadınların sağlamlığını zərərli istehsalatdan qorumalı idisə, indi sənaye çox fəal inkişaf edir, proseslər avtomatlaşdırılır, qadınlara qoyulan qadağa isə qalır. 

 

O vurğulayıb ki, qadınlara qazanc qadağası dəstək deyil, məhdudiyyətdir.

Nilov bildirib ki, təşəbbüs qanun layihəsinin göndərildiyi Dövlət Dumasının Əmək, Sosial Siyasət və Veteranlarla İş üzrə Komitəsinin deputatları tərəfindən ehtiyatla qiymətləndirilib. O, həmkarlar ittifaqları və işəgötürənlər assosiasiyalarını bunun üçün dəvət edərək təklifi daha ətraflı öyrənməyə və hər bir peşəni ayrıca öyrənməyə çağırıb.

Siyasi elmlər doktoru, professor, Rusiya Politologiya Assosiasiyasının Gender Politologiyası üzrə Tədqiqat Komitəsinin koordinatoru Olqa Ovçarovanın izah etdiyi kimi, sağlamlıqla bağlı məhdudiyyətlər qadınların bəzi sahələrdə işləməsini qadağan edən mühüm amil olaraq qalır.

Bundan əvvəl "Zarplata.ru” xidmətinin tədqiqat mərkəzinin sorğusu göstərib ki, rusiyalı qadınların əksəriyyəti öz peşələrində kişiləri əvəz etməyə hazırdırlar.

 

Aytac Zeynalova