ABŞ Kiyevə 13 milyon dollar dəyərində enerji avadanlıqları göndərib

Birinci partiyada təxminən 13 milyon dollar dəyərində avadanlıq verilib.  Yük Amerika hərbi bazalarından birindən göndərilib.

Göndərmə noyabrdan elan edilmiş 53 milyon dollarlıq yardım paketinin bir hissəsinə aid olduğu bildirilib.

 

Agentliyin digər bir məlumatına görə,  bu həftə ABŞ-dan daha iki yük göndəriləcək.

 

"Bizim strategiyamız ilk növbədə Ukraynaya özünü mülki enerji infrastrukturuna məqsədyönlü hücumlardan qorumağa kömək etməkdir, çünki bu, humanitar fəlakətə səbəb ola bilər”, - ABŞ rəsmisi bildirib.

Məlumata görə, Vaşinqtondan  yardım paketinə paylayıcı transformatorlar və digər avadanlıqlar daxil olacaq. Dövlət Departamentində qeyd edildiyi kimi, yeni yardım ABŞ-ın Ukraynanın enerji sektoruna dəstək üçün əvvəllər təcili yardım kimi ayırdığı 55 milyon dollara əlavə olacaq. 

 

Agentlik vurğulayır ki, ümumilikdə Rusiya xüsusi hərbi əməliyyata başlayandan bəri Vaşinqton Kiyevə "Ukraynanın enerji sektorunun təmiri, saxlanması və gücləndirilməsi üçün” 145 milyon dollar ayırıb.

Fevralın 24-də Rusiya prezidenti Vladimir Putin Donbass respublikalarının rəhbərlərinin yardım xahişinə cavab olaraq Ukraynada xüsusi hərbi əməliyyat elan edib. Bundan sonra Qərb Rusiyaya qarşı irimiqyaslı sanksiyalar tətbiq etdi və Kiyevə silah və hərbi texnika tədarükünü milyardlarla dollar artırıb.(TASS)