ABŞ Ukraynaya "Patriot" müdafiə sistemi göndərməyə hazırlaşır
21.12.2022 10:47
ABŞ Ukraynaya Patriot raketdən müdafiə sistemləri də daxil olmaqla, təxminən 2 milyard dollarlıq yeni hərbi yardım paketi verəcək. Bu barədə jurnalistlər üçün Ukrayna prezidenti Vladimir Zelenskinin dekabrın 21-də Vaşinqtona gözlənilən səfərinə həsr olunmuş xüsusi onlayn brifinqdə çıxış edən ABŞ administrasiyasının yüksək rütbəli rəsmisi bildirib.
"Sabah prezident Bayden Ukrayna üçün təxminən 2 milyard dollarlıq yeni nəhəng təhlükəsizlik yardımı paketini elan edəcək. Bu paketə çox vacib yeni silahlar - Patriot raket batareyası daxil olacaq", - o deyib.
Onun sözlərinə görə, bu komplekslər Rusiyanın Ukraynanın kritik infrastrukturu zərbələri dəf etmək üçün istifadə olunacaq.
ABŞ rəsmisi Ukrayna üçün NASAMS, Hawk, Stinger və dron əleyhinə sistemlər də daxil olmaqla, hava hücumundan müdafiənin digər formalarına üstünlük verməyə çağırıb.
Daha əvvəl CNN ABŞ hakimiyyətinin adının açıqlanmayan nümayəndələrinə istinadən Vaşinqtonun Ukraynanı Patriot sistemləri ilə təchiz etmək planlarını yekunlaşdırdığını bildirmişdi . Moskva da öz növbəsində Vaşinqtonu Ukraynaya bu cür silahların ötürülməsi ilə bağlı xəbərdarlıq edib.
Rusiya Prezidentinin mətbuat katibi Dmitri Peskovun bildirib ki, "Patriot” kompleksləri Vaşinqton tərəfindən Kiyevə çatdırılarsa, Rusiya Silahlı Qüvvələrinin qanuni hədəfinə çevriləcək.
Zelenskinin ABŞ-a səfəri onun vəzifəyə başlamasından bəri ikinci, Rusiyanın Ukraynada xüsusi hərbi əməliyyatına başladıqdan sonra isə ilk səfər olacaq.
Aytac Zeynalova
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
