Rusiyada aksiyalar zamanı həbs edilən şəxslərin ayı açıqlanıb

 

Medianın məlumatına görə, saxlanılanların 8469-u qadın, 10333-ü kişidir.

 

Jurnalistlərin və hüquq müdafiəçilərinin fikrincə, bu, son on ildə rekord göstəricidir.

 

2012-ci ildən 2021-ci ilə qədər Rusiyada məhbusların sayı 4 min nəfərə çatmayıb. 

Bundan başqa, təqdim olunan materialda aksiya iştirakçıları və ya müharibə ilə bağlı mövqeyini sözlə ifadə edən şəxslər barəsində 5000-dən çox inzibati işə başlandığı bildirilib. Həmçinin, müharibənin təxminən 10 ayı ərzində müharibə əleyhinə olan ruslara qarşı 300-dən çox cinayət işi açılıb. Bu işlərdə 7-si azyaşlı olmaqla, 378 nəfər təqsirləndirilib və ya şübhəli bilinib.

Cinayət işlərində populyarlıq baxımından birinci yerdə Rusiya ordusu haqqında "saxta" xəbərlər olub ki, azı 124 nəfərə (Cinayət Məcəlləsinin 207.3) cinayət bu işi açılıb. İkinci yerdə ən azı 46 nəfərə şamil edilən vandalizm (Rusiya Federasiyası Cinayət Məcəlləsinin 214-cü maddəsi) maddəsidir. Adətən bundan rus ordusunun hərəkətlərinə dəstək ifadə edən Z və V hərflərini korlayanları cəlb etmək üçün istifadə olunur. Ən populyar üçüncü yerdə Rusiya ordusunun "diskreditasiyası" ilə bağlı məqalələr (Rusiya Federasiyası Cinayət Məcəlləsinin 280.3-cü maddəsi) dayanır. Bu maddə ilə azı 37 nəfər ya şübhəli bilinib, ya da təqsirləndirilib.

Rusiyanın Ukrayna ərazisini işğal etməsindən az sonra yüksək həddə çatan etirazlar repressiyalar və qanunvericiliyin sərtləşdirilməsi ilə azalmağa başlayıb.

 

Sentyabrın 21-də səfərbərlik elan edildikdən sonra daha bir etiraz aksiyası keçrilib və bir gündə təhlükəsizlik qüvvələri 42 şəhərdə 1330 nəfəri həbs edib.

 

Aytac Zeynalova