Rusiya Ukraynaya nota verdi

 Rusiya Xarici İşlər Nazirliyi Ukraynanın Moskvadakı səfirliyinə nota verib. Nota Rusiya Qara dəniz donanmasının Ukrayna ərazisində yerləşdirilməsinə dair sazişlərin qüvvədən düşməsini nəzərdə tutan qanunun tətbiqi ilə əlaqədardır. APA-nın Rusiya XİN-in saytına istinadən verdiyi məlumata görə, söhbət 4 beynəlxalq müqavilədən gedir. Rusiya XİN-də bildiriblər ki, qəbul olunmuş qərar sazişlərin qüvvədə olduğu müddətdə əmələ gələn maliyyə öhdəliklərinə toxunmur. Rusiya Federasiya Şurasının aprelin 1-də qəbul etdiyi qanun 1997-ci ilin mayın 28-də Rusiya ilə Ukrayna arasında imzalanmış müqavilələri qüvvədən salır. Həmin müqavilələr Qara dəniz donanmasının bölgüsünü, donanmanın Ukrayna ərazisindəki statusunu və müvafiq qaydaları müəyyənləşdirirdi. Yeni qanun həmçinin 2010-cu ilin aprelin 21-də Xarkovda imzalanmlş sazişlərə şamil edilir. ANN.Az